Մեր երկրի տնտեսական վիճակն ու քաղաքական փոփոխությունները մոտ ապագայում ցայտուն արտացոլվելու են Ձեր հաճախորդների տրամադրությունների, այն է՝ Ձեր վաճառքների հիմնական դրայվերի մեջ: Մեր ուսումնասիրություններն ու անձամբ իմ երկարամյա դիտարկումները ցույց են տալիս հետևյալը. տնտեսական ու քաղաքական փոփոխությունների պայմաններում հաճախորդներն ուզում են նախևառաջ խնայել: Խնայելուն զուգահեռ՝ նրանք դեռևս կխուսափեն ռիսկային գնումներից: Ես առանձնացրել եմ որոշակի հանգամանքներ կամ փաստեր, որոնք շատ կարևոր են առաջիկայում վաճառքների պրոցեսն ավելի արդյունավետ դարձնելու համար:
Փաստ 1. Առաջիկա 8 ամիսներին երկրում իրավիճակը կկայունանա ու կբարելավվի:
Ի՞նչ է սա նշանակում բիզնեսի համար.
B2B առաջարկներ ներկայացնելիս շեշտը դրեք այն օգուտի վրա, ինչը որ կստանա պատվիրատուն՝ հատկապես հենց Ձեր պրոդուկտը գնելիս:
Փաստ 2. Մարդիկ վախենում են գների բարձրացումից:
Ի՞նչ է սա նշանակում բիզնեսի համար.
Իմաստ չունի նոր հաճախորդներ ներգրավել բարձր զեղչերով: Մեկ անգամ զեղչ ստանալով նրանք կփորձեն զեղչեր պահանջել անընդհատ: Հիմա գնորդները չեն ուզում միանգամից մեծ գումար ծախսել: Նման դեպքերում ավելի ճիշտ է նրանց առաջարկեք այս պահի ֆիքսված գինը և ժամանակ տաք, որպեսզի նրանք մտածեն և համեմատեն Ձեր պրոդուկտը մրցակիցների առաջարկների հետ: Եթե Դուք ճիշտ եք դիրքավորել Ձեր պրոդուկտը, ապա երաշխավորված է, որ գնորդները կվերադառնան:
Փաստ 3. Վաճառքները ներկայումս կախված են նոր տիպի գնորդներից:
Ի՞նչ է սա նշանակում բիզնեսի համար.
Ներկայիս գնորդների սովորություններն էապես կազդեն ապագա վաճառքների վրա: Նրանք սկսել են շատ լավ զգալ off-line հարթակներում, բայց նախընտրում են on-line-ի հնարավորություններն ու առավելությունները: Նրանք պահանջկոտ են և ձգտում են մաքսիմումի: Նրանք ուզում են ավելի շատ բան իմանալ ընկերությունների, նրանց պրոդուկտների մասին և ակնկալում են, որ այդ պրոդուկտները հիմնովին կլուծեն իրենց պրոբլեմները: Բացի այդ այս նոր տիպի՝ միլենիալ հաճախորդները նախընտրում են անհատականացված մոտեցումը և լոյալության ծրագրերի առկայությունը:
Փաստ 4. Գնալով պրոդուկտի որակը վեր է դասվում ծառայության որակից:
Ի՞նչ է սա նշանակում բիզնեսի համար.
Եթե Դուք ուզում եք պահել Ձեր գնորդին, ապա շատ մեծ ուշադրություն դարձրեք պրոդուկտի որակին: Եթե գնորդը ստանա այնպիսի պրոդուկտ, որը լիովին արդարացնում է իր սպասելիքները, ապա նա շատ արագ կմոռանա սպասարկման պրոցեսում տեղ գտած որոշ թերությունների ու բացթողումների մասին:
Փաստ 5. Գնորդը հիշում է այն ընկերությանը, որտեղ հիշում էին իր անունը:
Ի՞նչ է սա նշանակում բիզնեսի համար:
Կարևոր է, որպեսզի ամեն անգամ, երբ գնորդը դիմում է Ձեր ընկերությանը՝ նրա հետ շփվի միևնույն մենեջերը: Պատվիրատուն չպետք է շարունակ կրկնի միևնույն բանը տարբեր մարդկանց: Վաճառքի թիմին կարևոր է ոչ միայն հիշել հաճախորդների անունները, այլև իմանալ նրանց հոբբիները և տեղյակ լինել ցանկացած այլ անհատականացված տվյալներից:
Փաստ 6. Գնորդները՝ նոր գաղափարների անսպառ գեներատորներ են:
Ի՞նչ է սա նշանակում բիզնեսի համար:
Գնորդի ցանկացած (նույնիսկ ամենաբացասական արձագանքը)՝ պրոդուկտի կատարելագործման հիանալի հնարավորություն է: Եթե Ձեր ընկերությունն ընդունի սխալը, մի փոքրիկ նվեր անի հաճախորդին, ապա դժգոհ հաճախորդն անմիջապես կվերածվի Ձեր բրենդի լավագույն պաշտպանի:
Խելացի վաճառքն իրո´ք արվեստ է և ես ուզում եմ որ Դուք լիովին տիրապետեք այդ արվեստին: