Այսօր որոշեցի կիսվել վաճառքների ավելացման մի շատ օգտակար տեխնիկայով՝ խաչաձև վաճառքներով: Անկասկած, այս մասով վաճառքով զբաղվողների մոտ կա ընդհանուր պատկերացումներ, սակայն նրանցից շատերի մոտ համակարգված անալիտիկա չկա:
Մի պահ փորձեք ավելի շատ մտածել այն մասին, թե արդյո՞ք Ձեր ընկերությունում բավարար չափով են կիրառվում խաչաձև վաճառքի տեխնիկաները: Իրականում այն բավականին հզոր գործիք է, և միաժամանակ՝ շատ պարզ ու հասկանալի, քանի որ այն հասկանալու համար շատ բարդ տերմինոլոգիա և մտավոր բարդ վերլուծություններկ չի պահանջվում:
Խաչաձև վաճառքները՝ պրոդուկտների միմյանց հետ խելամիտ համադրումն է, որը պետք է կառուցված լինի գնորդներին տրվող հավելյալ առավելությունների վրա:
Հաճախորդների միջին չեկի անալիզը թույլ է տալիս բացահայտել, թե հատկապես որ պրոդուկտներն են լավ վաճառվում միասին, և համապատասխանաբար դրանք էլ պետք է գրավիչ առաջարկների շարքում և հաճախորդի համար հնարավորինս օգտակար տարբերակովով:
Եկեք դիտարկենք մի քանի տարբերակներ՝
01. Պրոդուկտ A + պրոդուկտ B: Մենք վաճառում ենք հինական պրոդուկտ A-ն և դրա հետ մեկտեղ ցանկանում ենք հավելյալ վաճառել պրոդուկտ B-ն: Դա բավականին հասարակ տարբերակ է՝ լապտեր + մարտկոցներ
02. Պրոդուկտ A + պրոդուկտներ B, C, D, E: Սա այն տարբերակն է, երբ հիմնական պրոդուկտ A-ի հետ հավելյալ վաճառում ենք մի քանի պրոդուկտներ ՝ հեռախոս + էկրանի պաշտպանիչ թաղանթ + պատյան + սպասարկման երաշխիք + ծրագրերի տեղադրում + հավելյալ ականջակալներ + հավելյալ զեղչ հաջորդ գնման դեպքում: Այս օրինակում B, C, D, E խաչաձև վաճառքների տակ առաջարկում ենք ոչ միայն պրոդուկտներ, այլ նաև ծառայություններ:
03. Որպես հավելում պրոդուկտ A + պրոդուկտ B (C, D, E, F) մակարդակին, մենք կարող ենք դիտարկել խաչաձև վաճառքներ պրոդուկտներ կատեգորիաների մակարդակի վրա: Կատեգորիա A + Կատեգորիա B: Սովորաբար ամենահաճախակի խաչաձև վաճառքների ցուցակում կատեգորիաների մակարդակի վրա կարող է լինել այն նույն կատեգորիան, որը տրամաբանական է: Օրինակ ամառանոցային լողավազան + լողավազանի համար նախատեսված քիմիական նյութեր + լողավազանի պոմպ + հովանոց + ջրի մատակարարման խողովակ+ ջրային համար խաղալիքներ: Այնուամենայնիվ, պետք է հաշվի առնենք նաև այլ կատեգորիաների ապրանքների խաչաձև վաճառքը:
Խաչաձև վաճառքներին համակարգված մոտեցման համար ամենաարդյունավետ մեթոդը՝ հաճախորդի համար պատրաստի առաջարկների դասակարգումն է՝ վաճառքների պատմական տվյալների վերլուծության միջոցով: Նշեմ, որ պրոդուկտների վաճառքների վերլուծությունը տարեկան խաչաձև վաճառքների հաշվարկի համար, բավականին ծավալուն ռեսուրսային գործողություն է և որակյալ տվյալներ ստանալու համար՝ ծրագրային փաթեթներով (SPSS, Statistica) պատրաստի հարմարավետ որոշում չկա:
Այդ տվյալները կարող եք օգտագործել հետևյալի համար՝
- Խանութի աշխատակազմի համար ակտիվ վաճառքների ուղեցույց
- Հաշվարկների հայեցակարգի թարմացում
- POS-ի ստեղծում (չմոռանաք գնել, կամ Ձեզ նաև անհրաժեշտ է)
- Առևտրի սրահում ապրանքների տեղափոխություններ, համակարգված առաջարկների առանձնացում
- Նոր ապրանքատեսակների (հավաքածուների) ստեղծում
- Գովազդային կոնկրետ էջերի էֆեկտիվության չափումներ, որտեղ ապրանքները տեղակայված են եղել միասին կամ առանձին