Ինչպե՞ս հասցնել բոլոր գործերը

Հակիրճ նկարագրություն

«Ինչպես հասցնել բոլոր գործերը» գիրքն առաջին անգամ գրեթե 20 տարի առաջ լույս տեսնելուց հետո դարձել է դարի ամենաազդեցիկ բիզնես գրքերից մեկը: Այստեղ հեղինակը խոսում է անձնապես կազմակերպված լինելու կարևորության մասին։ Այն սեղմ, բայց արդյունավետ մոտեցում է առաջարկում մասնագիտական ու անձնական բնույթի առաջադրանքների կատարման համար: Նոր տեսակի կայքերի, սեմինարների, կազմակերպական գործիքների ստեղծման ոգեշնչման աղբյուր է։ Ալենը գիրքը վերաշարադրել է սկզբից մինչև վերջ՝ բնագիրը համալրելով «աշխատավայրի» մասին նոր ու կարևոր պատկերացումներով: Նա ավելացրել է այնպիսի բովանդակություն, որի շնորհիվ գիրքը երկար տարիներ արդիական կմնա։ «Ինչպես հասցնել բոլոր գործերը» գրքի այս նոր հրատարակությունը կհավանեն ոչ միայն հեղինակի հարյուր հազարավոր երկրպագուները, այլև ընթերցողների նոր սերունդը, որը ցանկանում է որդեգրել Ալենի սահմանած սկզբունքները:

Հեղինակի մասին

Դեյվիդ Ալենը The David Allen Company-ի նախագահն է և ունի ավելի քան քսան տարվա փորձ որպես խորհրդատու և թրեյներ։ Նա համագործակցել է այնպիսի կազմակերպությունների հետ, ինչպիսիք են Microsoft-ը, Ford Foundation-ը, L.L.Bean-ը և Համաշխարհային բանկը: Նրա աշխատանքը ցուցադրվել է Fast Company-ում, Fortune-ում, Atlantic Monthly-ում և շատ այլ հրատարակություններում: