Մեր ընկերության գործընկեր IDBank-ը իր աշխատակիցների թիմբիլդինգի Park Resort Aghveran-ում անցկացվող հերթական միջոցառումը որոշել էր հարստացնել նաև կրթական կոմպոնենտով, կամ ինչպես ասում են օգտակարի ու հաճելիի mix անել: Այդ համագործակցության շրջանակում հրավիրել էր Manassian Group-ի հիմնադիր, բիզնես էքսպերտ Հայկ Մանասյանին անցկացնելու վաճառքի վարպետության դաս 100+ մասնակիցների համար:
Չնայած բանկի ավագ ղեկավարության ներկայությանը 3 ժամ անընդհատ մասնակիցները իրենց պրոդուկտների մասին տարբեր կարծիքներ ու տեսակետներ էին փոխանակում, անկաշկանդ քննարկում էր ընթանում վաճառքի շատ նուրբ շերտերի մասին ու բավականին տարբեր ռակուրսներով և դա անում էին իսկապես իրենց կարողություններն ավելի լավացնելու մղումով։
