Առաջին անգամ եմ մասնակցում դասընթացի, որտեղ շատ մանրամասն ու հանգամանալից բացատրվեց ինձ հուզող բոլոր հարցերի պատասխանները: Ընթացքում օգտագործել եմ դասընթացից ստացած գիտելիքները և ստացել եմ շատ դրական արդյունքներ:
Բիզնես սեփականատերերի և ղեկավարների համար մշակված կիրառական դասընթաց, որը սովորեցնում է բիզնեսը կառավարել ոչ թե ինտուիցիայով, այլ հստակ նպատակներով, ճիշտ մարդկանցով, չափելի պրոցեսներով և վերահսկելի արդյունքներով։
Ժամանակակից բիզնեսում այլևս բավարար չէ պարզապես ունենալ լավ ապրանք, ակտիվ վաճառք կամ փորձառու թիմ։ Աճող ընկերությանը անհրաժեշտ է կառավարման համակարգ, որտեղ սեփականատերը չի խրվում ամենօրյա մանր խնդիրների մեջ, թիմը գործում է հստակ պատասխանատվությամբ, իսկ բիզնեսի զարգացումը դառնում է ոչ թե պատահականություն, այլ պլանավորված և վերահսկվող գործընթաց։
Բիզնեսի SMART կառավարում դասընթացը կօգնի Ձեզ կառուցել բիզնեսի կառավարման մտածողություն, համակարգ և գործիքակազմ:
Շատ բիզնեսներ աճի որոշակի փուլից հետո սկսում են բախվել նույն խնդիրներին․ սեփականատերը մշտապես զբաղված է օպերացիոն հարցերով, աշխատակիցները սպասում են ղեկավարի որոշումներին, պրոցեսները կախված են մարդկանցից, վաճառքները անկայուն են, ֆինանսները չեն տալիս ամբողջական պատկեր, իսկ վերահսկումը կատարվում է ուշացած կամ ոչ համակարգային։ Այդ պահին բիզնեսը կարիք ունի ոչ թե պարզապես ավելի շատ աշխատանքի, այլ ավելի խելացի կառավարման։
Բիզնեսի SMART կառավարում դասընթացը ստեղծված է այն բիզնես սեփականատերերի և ղեկավարների համար, ովքեր ցանկանում են անցնել «ամեն ինչ իմ վրա է» մոդելից դեպի կառավարման ավելի հստակ, չափելի և զարգացող համակարգ։
Դասընթացի ընթացքում մասնակիցները կսովորենք բիզնեսը կառավարել SMART տրամաբանությամբ։ Մենք կքննարկենք բիզնեսի կառավարման հիմնական ուղղությունները՝ անձնակազմի կառավարումը, պրոցեսների կառուցումը, և ֆինանսական վերահսկողությունը։ Դասընթացը կառուցված է ոչ միայն տեսական գիտելիքների, այլ նաև գործնական աշխատանքի վրա։ Յուրաքանչյուր մոդուլում մասնակիցները կաշխատեն իրական բիզնես իրավիճակների, վարժությունների, քննարկումների և գործիքների հետ, որոնք հնարավոր է կիրառել սեփական բիզնեսում անմիջապես դասընթացից հետո։
Ինչու՞ են բիզնեսները ժամանակի ընթացքում դառնում անկառավարելի Բիզնեսի 3 հիմնական առանցքները՝ անձնակազմ, պրոցեսներ, ֆինանսներ Զբաղվածություն vs իրական կառավարում
Սեփականատեր, տնօրեն, մենեջեր․ դերերի տարբերությունը Ինչու՞ է սեփականատերը հաճախ դառնում բիզնեսի «խցանման կետ» Ինչը պահել վերահսկողության տակ, իսկ ինչը փոխանցել թիմին
Կազմակերպական կառուցվածք և դերերի հստակեցում Պարտականությունների և պատասխանատվության ճիշտ բաշխում Աշխատակիցների արդյունավետություն` KPI, կարգապահություն և մոտիվացիա
Ինչու՞ են նույն աշխատանքը տարբեր մարդիկ անում տարբեր կերպ Բիզնես պրոցեսների քարտեզագրում և «պրոցեսային փոսերի» բացահայտում Ստանդարտներ, կանոնակարգեր և մարդկային սխալների նվազեցում
Շրջանառություն, շահույթ, մարժա և դրամական հոսք․ տարբերությունները Ինչու՞ մեծ վաճառքը միշտ չէ, որ նշանակում է լավ բիզնես Ծախսերի կառուցվածք, բյուջե, դրամական հոսքեր և ֆինանսական վերահսկողություն
Ինչու՞ չի կարելի կառավարել այն, ինչը չի չափվում KPI-ների ճիշտ ընտրություն բիզնեսի տարբեր ուղղությունների համար Ինչպես KPI-ն դարձնել ոչ թե պատժի, այլ կառավարման գործիք
Շատ բիզնեսներ ունեն լավ ապրանք, աշխատող թիմ և գործող պահանջարկ, բայց չեն կարողանում արագ աճել, որովհետև չունեն հստակ կառավարման համակարգ։ Արդյունքում աճը կախված է մնում սեփականատիրոջ էներգիայից, ոչ թե բիզնեսի կառուցվածքից։
Երբ աշխատակիցների դերերը, պատասխանատվությունները և արդյունքի չափորոշիչները հստակ չեն, թիմը սկսում է սպասել ղեկավարի որոշումներին։ Սեփականատերը դառնում է ամենօրյա հարցերի կենտրոն, իսկ բիզնեսը կորցնում է արագությունն ու արդյունավետությունը։
Շատ ընկերություններում վաճառքը, ֆինանսները, մարքեթինգը և օպերացիոն աշխատանքը զարգանում են առանձինառանձին։ Բայց բիզնեսը չի կարող կայուն աճել, եթե այս ուղղությունները չեն միավորվում մեկ կառավարչական տրամաբանության մեջ։
Բիզնեսի աշխատանքը կդառնա անկայուն։ Եթե պրոցեսները նկարագրված և համակարգված չեն, ապա արդյունքը կախված կլինի կոնկրետ մարդկանցից, նրանց տրամադրությունից, փորձից կամ ներկայությունից։ Իսկ ցանկացած փոփոխություն թիմում կարող է խաթարել ամբողջ աշխատանքը։
Բիզնեսը կարող է ունենալ վաճառք, բայց չտալ իրական շահույթ։ Առանց ֆինանսական ցուցանիշների, դրամական հոսքերի, ծախսերի և մարժայի հստակ վերահսկման՝ սեփականատերը կարող է ուշ հասկանալ, թե որտեղ է գումարը կորչում և ինչն է խանգարում բիզնեսի աճին։
Այսօրվա փոքր բացերը վաղը կարող են դառնալ մեծ խոչընդոտներ։ Եթե հիմա չկառուցվեն հստակ կանոններ, դերեր, պրոցեսներ և վերահսկման մեխանիզմներ, ապա բիզնեսի աճի հետ խնդիրները ոչ թե կպակասեն, այլ կմեծանան՝ խլելով ավելի շատ ժամանակ, գումար և էներգիա։
Առաջին անգամ եմ մասնակցում դասընթացի, որտեղ շատ մանրամասն ու հանգամանալից բացատրվեց ինձ հուզող բոլոր հարցերի պատասխանները: Ընթացքում օգտագործել եմ դասընթացից ստացած գիտելիքները և ստացել եմ շատ դրական արդյունքներ:
Հիմնադիր տնօրեն
Վերլուծելով ինֆորմացիան հասկանում ես՝ ինչքան թույլ օղակներ կա, որոնց մասով պետք է աշխատանքներ տարվեն, նաև հասկանում եմ ինքս ինչքան աշխատանք ունեմ կատարելու սեփական հմտությունների վրա։ Դասընթացը մեծ հայելի էր, որ ցույց տվեց պատկերացրածի և իրականության մեծ տարբերությունը։
Հիմնադիր
Ընդհանուր առմամբ լավ և պրոդուկտիվ է ամեն ինչ, դասական տեսաբանների և մասնագետների փորձի ու մտքերի վրա հիմնված։
Հիմնադիր Տնօրեն
Երկու առավելություն եմ առանձնացրել ինձ համար՝ նոր գիտելիքների կիրառում բիզնեսում, բիզնես պրոցեսների ավելի լավ վերահսկման մեխանիզմներ, որոնք կարող ենք ներդնել բիզնեսում և ծանոթություն պարոն Մանասյանի և մնացած մասնակիցների հետ։
Հիմնադիր տնօրեն
Շնորհակալություն լավ դասընթաց լավ միջավայրում և հաճելի մարդկանց հետ ստեղծելու համար։
Փոխտնօրեն
Անչափ շնորհակալ եմ տրված գիտելիքի համար, որը նպատակաուղղված է դառնալ փորձ։ Տեսնում եմ Ձեր ոգեշնչող նվիրվածությունը Ձեր աշխատանքին։ Ձեր աշխատելաոճում երևում է, որ ունեք առաքելություն։
Հիմնադիր
Շատ հետաքրքիր դասընթաց էր։ Բոլոր խմբակիցները շատ լավն են։ Պարոն Մանասյանն իրոք կարողանում է խելացի ու լավ մարդկանց հավաքել մի վայրում ու դասերն անցկացնել կոմֆորտ միջավայրում։ Ստացանք մեծ գիտելիքներ բիզնեսի կառավարման վերաբերյալ։
Տնօրեն
Շնորհակալություն Հայաստանում բիզնեսը կրթելու Ձեր աշխատանքի համար։ Շատ հաճելի ու պրոդուկտիվ ժամանակ անցկացրեցինք Ձեր դպրոցում։ Ցանկանում եմ Ձեզ լիքը-լիքը ուսանողներ ունենալ ու կրթել բիզնեսը։
Համահիմնադիր
Հաջողված պրոյեկտ է՝ լավ ու ճիշտ նախաձեռնություն։ Շնորհակալ եմ Ձեր փոխանցած գիտելիքների և ստեղծած լավ միջավայրի համար։ Բացի սովորելուց, այս կուրսում նաև ձեռք եմ բերել լավ ընկերներ։
Տնօրեն
Հիմնելով բիզնես կրթության առաջնահերթության վրա Մանասյան բիզնեսը դպրոցը կարողանում է Հայաստանում ստեղծել մի միջավայր, որտեղ գործարարները ոչ միայն աշխատում են սեփական փորձի շնորհիվ, այլ կարողանում են կրթվել ու կատարելագործվել։
Գործադիր տնօրեն
Նորագույն մտքերին և հայտնի գործարարների փորձին ծանոթանալով հնարավորություն ունեցանք էլ ավելի խորը գնահատել մեր կազմակերպության ներկայիս վիճակը և պատկերացում կազմել բացթողումների և խնդիրների վերաբերյալ։
Տնօրեն
Ինձ համար շատ հետաքրքիր և կարևոր էր այցելել Ձեր կրթական համալիր։ Շնորհակալ եմ թե՛ Ձեր մոտեցման, թե՛ Ձեր կազմակերպման համար։ Միանշանակ խորհուրդ կտամ այցելել ու ինքնակրթվել։ Ձեր հետ հետաքրքիր է։
Տնօրեն
Դասընթացի կառուցվածքը շատ լավն է։ Մասնակիցը հնարավորություն է ստանում ստանալ համակարգված գիտելիք։ Տարբեր ոլորտների ներկայացուցիչների հետ շփումը հնարավորություն է տալիս լրացուցիչ գիտելիքներ ստանալ դասընթացի շրջանակներում, ինչպես նաև քննարկել կառավարչական բնույթի խնդիրներ։
Տնօրեն
Դասընթացից ստացա կարևոր գիտելիքներ, որը ինձ թույլ տվեց էլ ավելի գրագետ աշխատել։ Կազմակերպությունում արել եմ մի քանի փոփոխություններ, որոնք ևս դրական արդյունք տվեցին։
Տնօրեն
Այս դասերի շնորհիվ կարողացա ավելի համակարգված ու պրոֆեսիոնալ մոտենալ իմ աշխատանքին ու աշխատակիցներին։ Կարծիքս բավականին բարձր է նաև Ձեր անձի հանդեպ՝ նկատեցի դիմացին լսելու Ձեր համբերատարությունը և դիպուկ պատասխանելու ունակությունը։
Սեփականատեր
Դասընթացը շատ պրակտիկ էր՝ լի եղած դեպքերի և մեթոդների վերլուծությամբ։ Հնարավորություն ունեցանք network ստեղծել հաջողակ մարդկանց հետ։
Տնօրեն
Հարգելի կայքի այցելու։ Եթե Դուք ցանկանում եք ստանալ բիզնեսի վերաբերյալ գրքեր, հետազոտությունների, օգտակար գործիքներ և այլ ուսուցանող ռեսուրսներ, ինչպես նաև տեղյակ լինել Ընկերության բոլոր նորություններին, ապա լրացրեք այս հայտը։ Շնորհակալություն։
