ԱՄՀ զեկույցներում նշվում է, որ 2020 թվականը համաշխարհային տնտեսության վրա ունեցած իր բացասական ազդեցության աստիճանով ու մասշտաբներով հավասարազոր է եղել նախորդ դարի մեծ դեպրեսիայի ժամանակաշրջանին։ Մենք պետք է տնտեսական տեղաշարժերի հեռանկարների ուղղությամբ ավելի տեղեկացված լինենք։ Կարևոր է, որ բիզնեսն ուշադրությամբ հետևի ֆիսկալ և մոնետար քաղաքականությունների իրականացմանը։ Դրանք տնտեսությունն աշխուժացնելու կարճաժամկետ գործիքներն են։ Տեսանյութում քննարկում ենք նաև երկարատև գործիքակազմերը, որոնցից է կայուն աճի քաղաքականության վրա հիմնված ռազմավարական քայլերը։ Այսինքն` երկրի այսօրվա տնտեսական աճը չպետք է վնասի հաջորդ սերունդների կայուն զարգացմանը։ Իսկ մյուս հիմնարար գործիքը մարդկային կապիտալի վրա ֆոկուսավորվելու նորարարությունների շարունակական խթանումն է։
